Në qendrën kulturore të bashkise Vlorë u organizua dëgjesa publike e rradhës mbi projektligjin “Për taksën mbi pasurinë e paluajtshme”, ku ishin të pranishëm Zv. ministri i Ministrisë së Financave dhe Ekonomisë Znj. Vasilika Vjero, përfaqësues të Drejtorisë së Përgjithshme të Taksës së Pasurisë dhe projektit “ProTax Albania” si dhe perfaqesues nga bashkite Vlorë, Selenicë, Poliçan, Himarë, Mallakastër, Sarandë, Dimal, Berat, Lushnje, Divjakë, Roskovec, Skrapar, Kuçovë, Delvinë, Përmet, Patos, Konispol, Memaliaj, Libohovë, Gjirokastër.
Në këtë dëgjesë u prezantua reforma e taksës së pasurisë dhe aspekte të rëndësishme të projektligjit siç janë: shkallët e taksës, përjashtimet apo autoriteti vlerësues.
Përfaqësues të bashkive ndanë komentet e tyre mbi elementë të ndryshëm të projektligjit si dhe dhanë propozimet e tyre për përmirësimin e mëtejshëm.
Në fund të këtij takimi drejtori i përgjithshëm i DPTP-së bëri thirrje që secili përfaqësues çdo koment apo propozim mund ta dërgojnë pranë drejtorisë për shqyrtim të mëtejshëm.
Shqip 
English